دائما بتسألوني أي لولب أفضل نحاسي أو بلاتيني
اليوم رح أجاوبكم على استفساراتكم بخصوص اللولب وانواعه، عادة بعد عدد معين من الولادات وتجربة عدة طرق منع حمل مختلفة الأم بتصير بدها تلجأ للوسيلة اللي تعتبر الأكثر أماناً وفعالية بموضوع منع الحمل مثل اللولب.
وهون بتبدأ الحيرة؟!
بشكل عام كل نوع منهم بيختلف عن التاني بفروقات تكاد ان تكون بسيطة غير ذلك أنه كل نوع فيهم بيناسب فئة معينة من السيدات يعني البعض لما تبدأ تجرب اللولب النحاسي بيصيبها بعض الالتهابات وبالتالي بتم استبداله باللولب البلاتيني اللي بيطول أكثر ويمكن استخدامه لمدة تصل الى سبع سنوات على عكس النحاسي اللي اقصى مدة اله اربع سنوات فقط وبيخلي الدورة تنتظم بشكل أفضل عند بعض السيدات، لكن أول فترة لمدة يومين او ثلاث لما يتم تركيب النوعين بتحس السيدة بآلام خفيفة في البطن و أسفل الظهر تشبه إلى نوع ما آلام الدورة الشهرية.
اللولب وسيلة آمنة لتنظمي حملك وتحافظي على صحتك لا تتردي باستشارة طبيبتك ومراجعتها كل فترة بعد تركيب اللولب.